گوادر نا ہند تلار کیمپ آن پاکستانی فوج درو ثناء اللہ ولد دین محمد ئے دزگیر کرسا بیگواہ کرینے ہرا تمپ سرنکن نا تولوک ئسے۔ او درو کراچی آن تمپ ہننگ ئٹی مسُنے کہ پاکستانی فوج ویگ ئنا شش بجہ غا گوادر و تربت نا نیامی ہند تلار آن اودے دزگیر کرسا بیگواہ کرینے۔
ایلو نیمہ غا استو پاکستانی فوج دشت کنچتی ٹی اُراسے آ چھاپہ خلِسہ کم سن آ اعجاز ولد دین محمد عرف دینل ئے دزگیر کرے۔
خاہوت نا رد ئٹ اینو نیمروچ آ اوفتے کیمپ آ خواہفِسہ چُنائے اوفتا حوالہ کرینو، ہرا سخت ٹپی و نت تا پرغنگ نا سوب آن خراب حالت ئٹی مسُنے۔ اودے علاج کن اسپتال آ دننگانے واہم صحت نا خرابی نا سوب آن اودے کراچی آ دننگ نا کوشست کرینو ولے علاج نا وخت آ او ساہ تسُنے۔
