بلوچ لبریشن آرمی نا ترجمان جیئند بلوچ میڈیا ٹی شنگ کروک تینا بیان ئسیٹی پارینے کہ ننا سرمچارک تربت و مستونگ ئٹی اِرا جتا کاروائی تیٹی پاکستانی لشکر و مڈی دروکا لاری تے جلہو تیٹی ٹِک کرینو۔
بی ایل اے نا سرمچارک درو تربت نا علاقہ میری بگ ئٹی کوزہ گیر پاکستانی لشکر نا کیمپ ئسے جلہو ئٹی ٹِک کریر ، جلہو ئٹی سرمچارک راکٹ نا کیہی گولہ خلکُر ہرا ٹِک کروک ہند آتیا لگار۔
راکٹ لگنگ آن لشکر نا کیمپ ئٹ سلوک لاری ئس خاخر ہلک، ہندن جلہو نا بھرم ٹی ارا کارندہ مرگ ئنا گواچی و کم آن کم چھار ٹپی مسر۔
ہندا وخت سرمچار تا اسہ ٹولی ئس کسر آ ناکہ بندی ئے برجاء کرے۔
بی ایل اے نا سرمچارک سئے شمبے آ مستونگ ئٹی ژلی نا ہند آ مڈی دروکو اسہ بوزر لاری ئسے ٹک کریر، سرمچارک سمکاری کرسہ لاری ئے نسخان تسُر۔
ترجمان ایسر ئٹ پارے کہ بی ایل اے دا تومکا جلہو تا ذمہ واری ئے ہرفِک۔
