بلوچستان نا ضلع کیچ ئٹی پاکستانی لشکر نا سُمکاری آن ورناس خلنگا و ایلو ٹپی مس۔ دا تدینی ہمو وخت مس ہرا وخت اِرا ورنا پکنک کن ہِناسُر۔
حوال تا رد ئٹ خلنگ مروکا ورنا نا چائنداری اسماعیل ولد ابراہیم و ٹپی مروکا ورنا نا چائنداری نعمان ولد حیدر نا پن ئٹ مسنے۔
ہندی بندغ آتا پاننگ ءِ کہ ٹپی مروکا دا وخت پاکستانی فوج ئنا دزگیری ٹی ءِ و اونا حالیت نا بابت ئٹ فوج ہچو حوال ئس تننگ اف۔
بلوچستان ئٹی دُن انگا تدینیک دے پہ دے گیشتر مننگ ءُ۔ داکان مُست چلتن و بلیدہ ٹی ہندُنو تدینی مسنے ہرافتیٹ پکنک، سیل و چکر کن ہنوکا بندغ آتے پاکستانی فوج ٹِک کرینے۔
