بلوچ لبریشن آرمی نا ترجمان جیئند بلوچ میڈیا ٹی شنگ کروکو بیان ئسیٹی پارینے کہ ننا سرمچارک پنجگور و جعفر آباد ئٹی اِرا جتا جلہو تیٹی کوزہ گیر پاکستانی لشکر و پولیس کارندہ آتے نشانہ کریر۔
ترجمان پارے کہ سرمچارک اینو پنجگور نا علاقہ راہی نگور ٹی سی پیک روٹ آ کوزہ گیر پاکستانی لشکر نا اسِہ گاڑی سے ریموٹ کنٹرول آئی ای ڈی جلہو ئسیٹی ٹک کریر، جلہو ئٹی دشمن ئے نسخان ہرفوئی تمانے۔
او مُستی پارے کہ بلوچ لبریشن آرمی نا سرمچارک اسِتو جعفر آباد شاہی چوک نا ہند آ پولیس فورس نا چوکی ئے چغلی بمب ئٹ نشانہ ٹک کریر، ہراٹی اسِہ کارندہ ئس ٹپی مس۔
بیان نا ایسر ئٹ پاننگا کہ بلوچ لبریشن آرمی دا جلہو تہ زمہ واری تے ہرفک۔
