بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئٹی پارے کہ ننا سرمچارک 12 نومبر نا شام 09:30 بجہ غا کیچ ئنا علاقہ ہیرونک ئٹی جوڑ مروکا پاکستانی لشکر نا کیمپ ئے جلہو ئٹی ٹِک کرسا گرنیڈ لانچر نا کیہی گولہ خلکر ہرا کیمپ ئنا تہٹی تمار، ہراڑان پاکستانی لشکر ئے جانی و مالی نسخان رسینگانے۔
ترجمان پارے کہ سرمچارک تنظیم نا انٹیلیجنس ونگ ئنا حوال آ 11 نومبر آ خاران نا علاقہ دشتکین ئٹی اسہ ڈھکوک کاروائی سیٹی پاکستانی سلاہ بند ٹولی نا کارندہ نادر ولد الہی بخش محمد حسنی ئے دزگیر کریر۔ نادر ریاستی دلال حیدر سیاپاد نا خُڑک ئنا سنگت ئس اسک، ہرادے پنچ سال مُست اسہ ٹارگٹڈ کاروائی سیٹی خلکسُر۔ داکان مُست نادر ئے صفائی نا موقع تننگاسس ولے او خاران ئٹی ایف سی نا کرنل ئسیتون خُڑکی کرسا سرمچار تا برخلاف دشمنی تون اوار بلوچ اُلس ئے تنگ کننگ بناء کرے۔ تفتیش نا وخت ڈوھدار نادر دُزی، لٹ ءُ پُل، منشیات فروشی تون اوار ایلو جتا چاگڑدی خرابی تیٹی اوار اسک۔
ترجمان مُستی پارے کہ تنظیمی سرسوج نا وخت نادر تینا کُل سنگت آتا بابت ئٹ چائنداری و اوفتا پن تے تسنے و بی ایل ایف نادر نا نیٹ ورک ئٹی اوار کُل بندغ آتے موقع ایتک کہ او تنظیم نا مونا پیش مرسا صفائی ایتر اگہ نہ تو اوفتا برخلاف ثبوت آتا بنیات آ کاروائی کننگ مرو و اوفتا ایسر ہم نادر نا وڑ ئٹ مرو۔ نادر نا برخلاف کُل ثبوت آتے ہرسا اودے سزا مرگ تننگ نا فیصلہ کننگا۔ سرمچارک دا فیصلہ غا عمل کرسا اودے 12 نومبر نا شام کرم کاریز نا ہند آ خلکُر۔
ترجمان مُستی پارے کہ سرمچارک 12 نومبر نا شام شش بجہ نا خُڑک خضدار نا علاقہ اورناچ و پنجگور ئٹی بھلا کسر تیا ناکہ بندی و اسنیپ چیکنگ کریر۔ ناکہ بندی نا وخت مذہبی و قبائلی رہشون تینا ذاتی سلاہ و گھاٹ آتیتون سر مس گُڑا سرمچارک سرسوج و چائنداری آن پد اوفتے شرف داری ئٹ اجازت تسُر۔
میجر گہرام پارے کہ اینو سرمچارک اورناچ نا بازار ئٹی گشت کریر و اوڑے پولیس تھانہ ئے گھیرہ کریر واہم تھانہ ٹی پین سرکاری سلاہ و فوجی سامان الو۔
ترجمان مستی پارے کہ سرمچارک 10 نومبر نا شام پنچ بجہ نا خُڑک کچھی (ڈھاڈر) نا خُڑک میسر شاہوانی نا سیم ئٹی کوزہ گیر پاکستانی ریاست نا مواصلاتی نظام تون تفوک اسہ ٹاور ئسے مشینری تیتون ہُشار۔
میجر گہرام بلوچ بیان نا ایسر ئٹ پارے کہ بی ایل ایف اورناچ، خاران، پنجگور، ہیرونک و کچھی ٹی مروکا جلہو تا ذمہ واری ئے ہرفک۔ ہندا سوگوی و جوزہ تون بلوچستان نا آجوئی اسکان کوزہ گیر پاکستانی لشکر و دشمن قوت آتا برخلاف جلہو تا لڑ برجاء مرو۔
