پاکستانی لشکر پنجاب ئٹی اوار کروک بلوچستان نا علاقہ ڈیرہ غازی خان آن غازی خان یونیورسٹی نا خوانندہ محمد اشرف ولد محمد دین ئے دزگیر کرسا تینتون درے۔
سی ٹی ڈی نا کارندہ غاک 02 نومبر آ بلوچ کالونی ٹی خوانندہ نا اُراغا چھاپہ خلِسہ اودے دزگیر کرینے۔
یاتی مرے کہ محمد اشرف نوشکی ٹی پاکستانی لشکر تون جنگ ئٹی شہید مروکا بی ایل اے مجید بریگیڈ نا باسک رشید بزدار نا الہ نا چُنا ءِ۔
ہندی حوال تا رد ئٹ رشید بزدار نا شہید مننگ آن پد پاکستانی لشکر کیہی وار اوفتا اُراغا چھاپہ خلکنے، خاہوت و سیال آتے تنگ کرینے۔
ہندن حوال ءِ کہ پن کروکا علاقہ آن مُسہ بلوچ خوانندہ ئے ہم زوراکی ئٹ بیگواہ کننگانے، ہرافتا چائنداری داسکان مونی بتنے۔
