بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ ننا سرمچارک 10 نومبر 2025 نا شام ئنا 6:00 بجہ غا کیچ ئنا علاقہ کیساک ئٹی جوڑ مروکا پولیس نا اِرا تھانہ آتا جلہو کریر و کارندہ تے دزگیر کریر۔ سرسوج آن پد پولیس کارندہ تے بیدس نسخان آن یلہ کریر و اِرٹنگا تھانہ تے ہُشار و اوڑے ساڑی سرکاری سلاہ تے ہرفیر۔
ترجمان مُستی پارے کہ سرمچارک نیم گھنٹہ سینا کچ سی پیک کسر ئے ہن و بر کن بند کریر و ہن و بر کروکا لاری تے پٹ و پول کریر واہم پٹ و پول نا وخت کوزہ گیر فوج یا انٹیلیجنس ادارہ تا پین کارندہ یا ہندی مخبر الو۔ پٹ و پول پورو مننگ آن پد کسر ئے مَلار و مسافر تے ہِننگ نا اِجازت تِسُر۔
میجر گہرام بلوچ ایسر ئٹ پارے کہ نن کیساک ئٹی پولیس تھانہ و سرکاری جاگہ تے ہُشنگ و سی پیک کسر ئے نیم گھنٹہ ئسے اسکان بند کرِسا لاری تے پٹ و پول کننگ نا ذمہ واری ئے ہرفنہ۔
