بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ 09 نومبر نا نن ئکن سرمچارک گومازی نا مشی ہند دیزیگ ئٹی تنظیمی کاریم تا رد ئٹ گشت آ اسُر کہ مُست تولوک کوزہ گیر پاکستانی لشکر نا کارندہ آک سرمچار تیا جلہو کریر۔ سرمچارک جنگی تدبر و گوریلہ اصول تا رد ئٹ جوابی کاروائی کریر و سلامتی ئٹ پیشتمار۔ نیم گھنٹہ نا دا جنگ ئٹی دشمن نا اسہ کارندہ ئس خلنگا و اسٹ ٹپی مس۔
ترجمان مُستی پارے کہ 17 اکتوبر آ سرمچارک مند ئٹی پاکستانی لشکر کن جاسوسی کروکا اسماعیل ولد نزیر ئے ڈھکوک کاروائی سیٹی دزگیر کریر۔ اسماعیل ریاستی جاسوس مسلم نا ایلُم اسک، ہرادے راجی غداری نا دوبہ ٹی سرمچارک مُست اسہ کاروائی سیٹی خلکسُر۔ مسلم نا خلنگ آن پد کوزہ گیر فوج ئنا جاسوس و ڈیتھ اسکواڈ کارندہ رحیم و فرہاد عرف چیفوک اسماعیل ئے فوج ئتون ہمراہ کریر۔ اوکان پد او ہر وخت فوجی کیمپ و ایم آئی دفتر آ ہن و بر کریکہ۔
ترجمان پارے کہ سرسوج نا وخت اسماعیل امنا کرے کہ او اسہ اواری نا کاروائی سیٹی محمد ولد رازای، کھنیک نا ہندی بلوچ ئسے ٹک کرسا خلکنو۔ او کیہی علاقائی مخبر و اہم تدینی تا بابت ئٹ پین معلومداری تس، ہرانا کُل شاہد و دستاویز آک تنظیم نا رہا اریر۔ ضرورت نا وخت آ دا ثبوت آک میڈیا ٹی شنگ کننگ مرور۔
ترجمان مُستی پارے کہ کوزہ گیر پاکستانی فوج ئکن جاسوسی کننگ و بلوچ ورنا تا خلنگ ئٹی تُد مننگ نا ڈوہ ئٹی تنظیم نا عدالت اسماعیل ئے سزائے مرگ تس۔ دا فیصلہ عمل کرسا 02 نومبر آ سرمچارک مند ئنا علاقہ اپسار ڈور ئٹی اودے خلکُر۔
ترجمان مُسی پارے کہ درو نیمروچ دو بجہ نا وخت اسہ پین کاروائی سیٹی سرمچارک قلات نا علاقہ مرجان ٹول پلازہ نا خُڑک اسہ بوزر لاری ئسے ٹک کرسہ نسخان تسُر۔
ترجمان گہرام بلوچ بیان نا ایسر ئٹ پارے کہ بی ایل ایف گومازی ٹی فوجی کارندہ تے ٹک کننگ، مند ئٹی ڈیتھ اسکواڈ کارندہ ئے خلنگ و قلات ئٹی بوزر لاری آ جلہو نا ذمہ واری ئے ہرفنہ۔
