کیچ : تُربَت نا خُڑک ئنا ہند بلنگور ئٹی برانزی ریلی ۔
بلوچ یکجہتی کمیٹی نا کال آ ہزار آتا کچ ئٹ زالبول و چُناتون اوار کیہی بندغ آک مُچ مسُع و بلوچ نسل کُشی نا برخلاف برانزی ریلی ئس کشار ۔
برانزیک تینا دُوٹی بینر و پوسٹر ہرفیسُر ، ہرافتا بلوچ راج راج مروکا ظلم و نسل کُشی ئے ختم کننگ نا خواست کننگاسس۔
برانزیک سخت نعرہ بازی ہم کریر ۔
دا رد ئٹ ماہ رنگ بلوچ تینا چاگڑدی میڈیا ٹی پوسٹ کرِسا پارے کہ بلوچ نسل کُشی نا برخلاف آ برجاء انگا تحریک ئنا مُختفی ٹی بل نگور آ برانز ئس کننگا ۔ دا تحریک نا ایلو سُہبمندی تیتون اوار ہزار آتا کچ ئٹ زالبول آتا دا جدوجہد ئٹی اوار مننگ بھلو سُہبمندی سیتون اوار بروکا دے تحریک نا دیمرئی کن اہم ءُ کڑدار ئس ادا کرو ۔
اوپارے ہراتم نن تینا عوامی مُختفی و طاقت ئے خننہ ننے یقین مریک کہ دا ہمو طاقت ئے ہراڈان ریاست خُلینگءِ و خُلیس نا سوب آن طاقت و تشدُد ئے کارمرز کننگءِ ۔ دُننگا رد عمل آک ظالم نا شکست نا نشانیءُ ۔
