حوال تا رد ئٹ حاجی شعیب ولد وحید بخش تسپ پنجگور نا ہندی ئے 07 نومبر نا شام ئنا 12:00 بجہ نا خُڑک اونا اُرا غان پاکستانی لشکر دزگیر کننگ آن پد بیگواہ کرے۔
ہندُن جلال ولد جمیل گومازی نا ہندی ئے تمپ، کیچ آن 08 نومبر نا شام ئنا 02:00 بجہ غا اونا اُرا غان پاکستانی لشکر دزگیر کننگ آن پد بیگواہ کرے۔
سوراب نا ہندی شفیق احمد ولد نور محمد ئے 05 نومبر آ سوب ئنا 10 بجہ ءُ 30 منٹ آ کوئٹہ نا علاقہ کلی بیرمزئی بروری کسر آن پاکستانی لشکر زوراکی ئٹ دزگیر کننگ آن پد بیگواہ کرینے۔
ڈیرہ بگٹی آن عبداللہ ولد توسو بگٹی نا زواکی ئٹ بیگواہی نا حوال بسنے، ہرادے پاکستانی لشکر نا کارندہ غاک دزگیر کننگ آن پد بیگواہ کرینو۔ پن کروک بندغ پاکستان پٹرولیم لمیٹڈ نا نوکر ئسے۔
