بلوچستان لبریشن فرنٹ نا ترجمان میجر گھرام بلوچ میڈیا ٹی شنگ کروک تینا بیان ئسیٹی پارینے کہ 7 نومبر نا نن 10:00 بجہ غا واشک نا علاقہ دالی ٹی ساڑی آ پولیس تھانہ ئے گھیرہ کرسا جوانو وڑ ئسیٹ پولیس کارندہ غاتے دزگیر کرسہ اوفتے آن سرسوج کننگا، دزگیر ٹی ہلوک پولیس کارندہ غاک سماج دشمن کاریم یا اُلس ئے تنگ کننگ ئٹی اوار مننگ نا ڈوھدار الوس، ہندا سوب آن سرمچارک دزگیر ٹی ہلوک مُچ کارندہ غاتے یلہ کریر ولے تھانہ ٹی ساڑی سرکاری سلاہ و موٹر سائیکل آتے سرمچارک دوئی کریر و تھانہ ئے ہُشار۔
7 نومبر آ سرمچارک پین اسَہ کاروائی ئسیٹی واشک نا علاقہ دالی ٹی ساڑی یوفون ٹاور ئے ٹک کرسہ بھس کریر۔
میجر گھرام بلوچ پارینے کہ بلوچستان لبریشن فرنٹ نا سرمچارک ہفت نومبر آ پین اسَہ جلہو ئسیٹی دے ئنا 3 بجہ نا خُڑک جھاؤ نا علاقہ بگاڑی زیلگ ٹی جاسوسی کِن خلنگوک یوفون ٹاور ئسے تیبہ مشینری تون اوار بھس کریر۔
سرمچار تا کاروائی آن پد پاکستانی فوج سرمچار تے نشانہ کننگ کن کیہی مارٹر نا گولہ خلک ولے سرمچارک سلامتی ئٹ تینا جاگہ تیا سر مسُر۔
ترجمان پارے کہ یات مرے بلوچ الس و تحریک آجوئی نا برخلاف کوزہ گیر پاکستان نا جاسوسی نظام ئے مفلوج کننگ کن رابطہ نا نظام ئے ٹِک کینہ انتئے کہ ریاست پاکستان جتا ایجنسی تا ذریعت ئٹ بلوچ سرمچار و الس ئنا فون رابطہ تے ٹریس کننگ نا کوشست کیک تانکہ بلوچ نسل کشی نا ڈوہدار آ کاروائی تے سہبمند و اثرمند کننگ کے ہندا سوب آن بلوچستان نا مُر مُر مشی آ علاقہ تیٹ ہم رابطہ نا نظام ئے شنگ کننگ ءِ بلوچ سرمچارک پاکستان نا ہر گام آن سوھو ءُ و ہر ہمو چم ئے بے سہب کننگ نا طاقت تخرہ ہرانا مسخت بلوچ نسل کشی ئے ترند کرسا بلوچ تحریک آجوئی ئے نسخان تننگ ءِ۔
ترجمان میجر گہرام بلوچ ایسر ئٹ پارے کہ بی ایل ایف واشک ئٹی پولیس تھانہ آ کوزہ کرسا سلاہ تے ہرفنگ، واشک و جھاؤ ٹی رابطہ نظام ئے بھُس کننگ نا ذمہ واری تے ہرفک و دا قول ئے کیک کہ آزاد بلوچستان اسکان کوزہ گیر دشمن نا برخلاف سوگوی ئٹ کاروائیک برجاء مرور۔
