بلوچ ریپبلکن گارڈز( بی آر جی) نا ترجمان دوستین بلوچ میڈیا ٹی شنگ کروک تینا بیان ئسیٹی پارے کہ استو بی آر جی نا سرمچارک ڈیرہ بگٹی نا ہند 238 کھٹن پہل آ زوراک آ پاکستانی لشکر نا اسہ چوکی ئسے بھلا و خودکار سلاہ تیٹ ٹِک کریر۔ جلہو ئٹی سرمچارک چوکی آ گرنیڈ لانچر نا بھاز گولہ خلکر ہرا چوکی نا تہٹی تمار، ہراڑان دشمن ئے بھاز جانی و مالی نسخان ہرفوئی تمانے۔
دوستین بلوچ جلہو نا ذمہ واری ئے ہرفسا پارے کہ دا وڑ ئنا کاروائیک بلوچستان نا آجوئی اسکان برجاء مرور۔
