بلوچستان نا کاروباری آ شار حب چوکی آن استو زوراکی ئٹ بیگواہ کننگوک آ ورنا نا بیگواہی نا برخلاف برانز برجاء ءِ، ہرانا سوب آن کراچی، کوئٹہ کسر بند مسنے۔
حوال تا رد ئٹ بیگواہ کننگوک (عرف) ورنا کوہ بلوچ نا خاہوت نا نیمہ غان کوئٹہ، کراچی بھلا کسر ئے حب بھوانی نا ہند آ بند کرِسہ برانز کننگ ءُ۔
برانزی تا خواست ءِ کہ زوراکی ئٹ بیگواہ کننگوک آ کوہ بلوچ ئے مونی ہتنگ مرے۔
ایلو نیمہ غا برانز نا سوب آن کراچی، کوئٹہ کسر آ لاری تا بھلو قطار ئس سلیسونے۔
ڈی ایس حب ئنا کنڈ آن برانزی تیتون مذاکرات نا کوشست مننگ ءِ۔ واہم برانزی تا موقف ءِ کہ ورنا نا آجوئی اسکان برانز برجاء مرو۔
