بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ ننا سرمچارک انٹیلیجنس ونگ ئنا رپورٹ آ 03 نومبر 2025 نا نیمروچ 4:30 بجہ غا کوزہ گیر پاکستانی لشکر نا مُسہ لاری تا کاروان ئے جھاؤ ٹی سنگر ہلِسہ پوسکن و بھلا سلاہ تیئٹ ٹِک کریر۔ سرمچارک لشکر نا کاروان ئے گھیرہ کرسا ٹِک کریر ہراٹی کوزہ گیر لشکر نا 11 کارندہ ہمو جاگہ غا خلنگا و کیپٹن ارتضیٰ تون اوار شش کارندہ بھاز ٹپی مسُر۔
ترجمان پارے کہ سرمچار تا جلہو ہنداخس سخت و منظم اسک کہ لشکری کاروان ئٹی اوار مُسہ لاری ناکارہ مسُر و کارندہ تے تینا رکھ ئنا وخت رسینگتو۔ جلہو آن پد بی ایل ایف نا سرمچارک تینا رکھکوک ٹھکانہ تیا سر مسُر۔
ترجمان پارے کہ جھاؤ نا ہند پتکی ٹی فوجی آپریشن و زوراکی ئٹ بیگواہ کننگوک آ بے گناہ آ مزور حمزہ بلوچ ئے شہید کننگ نا حوال رسینگ آ فوج ئنا واپس بروکا دا کاروان ئے ٹِک کننگا۔ جلہو آن پد لشکر تینا خلنگوک و ٹپی مروکا کارندہ تے فضائی کُمک ئٹ آواران و خضدار آ درے۔
ترجمان گہرام بلوچ پارے کہ کوزہ گیر ریاست نا فطرت ءِ کہ او تینا خلنگوک و ٹپی مروکا کارندہ تا حوال آتے جہانی پِڑ آ پاش کپک تانکہ کوزہ گیر لشکر نا ایلو کارندہ تا مورال پین کمزور مف۔ کوزہ گیر لشکر سرمچار تا جلہو تیان ہنداخس نفسیاتی دباؤ نا گواچی ءِ کہ فضائی کُمک مننگ آن پد ہم تینا خلنگ مروکا کارندہ تا جون تے ہرفنگ آن خوفزدہ ءِ۔
ترجمان ایسر ئٹ پارے کہ بی ایل ایف جھاؤ جلہو ئٹی پاکستانی لشکر نا 11 کارندہ ئے خلنگ و کیپٹن ارتضیٰ تون اوار شش کارندہ تے ٹپی کننگ و مُسہ لاری تے ناکارہ کننگ نا ذمہ واری ئے ہرفک و دا قول ئے کیک کہ بلوچستان نا تیبہ آجوئی اسکان دشمن نا برخلاف بی ایل ایف نا منظم کاروائیک برجاء مرور۔
