روسی ایوی ایشن کالخواہ آک یک شمبے نا دے پارینے کہ روس ئٹی رجسٹرڈ اَسہ جہاز ئس ہراٹی شش سد بندغ سوار اسُر ،ہنوکا دے افغانستان آن بیگواہ مسُنے ، ہندی افغان پولیس پارینے کہ اوفتے تُدینی نا حوال رسینگانے ۔
روسی ایوی ایشن کالخواہ آک اَسہ درشان ئٹی دا ہیت ئے پک کریر کہ بیگواہ مروکا جہاز چاٹرڈ ایمبولینس جہاز ئس اسک ، ہرا ہندوستان آن ازبکستان نا کسر ماسکو آ ہننگ اسک ۔
تدینی نا گواچی مروکا جہاز فرانسیسی ساختہ ڈسالٹ فالکن 10 جیٹ ئس اسک ہرادے 1978 ئٹی تیار کننگا سس ۔
روسی ایوی ایشن نا نیمہ آن دا پڑو افغانستان آن رسینگوکا حوال آ تان پد مون آ بس ہراڈے صوبہ بدخشان نا پولیس پارے کہ ہفتہ نا شام ہُرے آ اَسہ جہاز ئس تمیسہ بھُس مسُنے ۔
دا رد ئٹ دائسکان ایلو نسخان آتا شابیتی حوال مونی بتنے۔
