بی ایل اے نا ترجمان جیئند بلوچ میڈیا ٹی شنگ کروک تینا بیان ئسیٹی پارے کہ ننا سرمچارک قلات نا علاقہ شیخڑی،مورگند، مکئی، خیصار نا ہند آ مُسہ دے ئنا وخت ئٹی کوزہ گیر پاکستانی لشکر ئے ٹِک کرسا کوزہ گیر فوج ئنا کمانڈو تیتون اوار 17 کارندہ ئے خلکُر و فوج ئنا سلاہ تے ہرفسا اوفتا سامان تے بھُس کریر۔
او پارے کہ پنچ شمبے نا دے مکئی نا علاقہ ٹی کوزہ گیر پاکستانی لشکر نا پند آ ہنوکا کارندہ تے ہمو وخت جلہو ئٹی ٹک کننگا ہراتم اوفک تینا پوسٹ آ سامان دننگ اسُر۔
ایلو نیمہ غا سرمچار تا پین ٹولی ئس گراپ نا ہند آ کوزہ گیر پاکستانی لشکر نا پوسٹ و سامان دروکا لاری تے ٹک کرسا جانی و مالی نسخان تسُر۔
ترجمان پارے کہ بی ایل اے نا سرمچارک جمعہ نا سوب ئنا پنچ بجہ نا خُڑک شیخڑی، مورگند نا ہند آ کوزہ گیر فوج ئنا پند آ ہنوکا کارندہ تے جلہو ئٹی ٹک کریر۔ ہندا جاگہ آ سامان دروکا کوزہ گیر فوج ئنا لاری تے ہم سنگر ہلِسہ ٹک کریر ہراٹی فوج ئے پین جانی نسخان ہرفوئی تما۔
ترجمان پارے کہ کوزہ گیر فوج ئنا شاہ مردان کیمپ آن پن کروک جاگہ آ پند آ بروکا کارندہ تے ہم سرمچارک ٹک کریر۔ سرمچارک خلنگ مروکا کارندہ تا سلاہ تے ہرفیر ہراڑان بھلا جھڑپ آتا لڑ ئنا بناء مس ہرا کیہی گھنٹہ اسکان برجاء مس۔
ترجمان پارے کہ جوہان و شاہ مردان نا نیام خیصار نا ہند آ سرمچار تا اسہ پین ٹولی ئس کوزہ گیر پاکستانی لشکر نا مُسہ لاری تے سنگر ہلِسہ ٹک کریر ہراٹی کوزہ گیر لشکر نا شش ایس ایس جی و ایس او جی کمانڈو خلنگا و کیہیک ٹپی مسُر۔ سرمچارک کوزہ گیر لشکر نا کمانڈو تا سلاہ تے ہرفیر ہرافتیٹ توفک، نائٹ وژن و تھرمل اسکوپ تُد اسک۔
ترجمان جیئند بلوچ مُستی پارے کہ مروکا جلہو تیٹی پاکستانی لشکر نا 17 کارندہ خلنگا و کیہیک ٹپی مسر، خلنگ مروکا کارندہ تیٹی شش کمانڈو تُد اسک۔ مورگند نا ہند آ جمعہ نا سوب آ بناء مروکا جلہوک شام اسکان برجاء مسُر ہراڑے کوزہ گیر فوج ئے گن شپ ہیلی کاپٹر آتا کُمک تُد اسک واہم سرمچارک جتا ہند آتیا ٹولی تیٹی بشخ مرسا کوزہ گیر فوج ئتون مقابلہ کرسا کریر۔
ترجمان ایسر ئٹ پارے بی ایل اے دا جلہو تا زمہ واری تے ہرفک و دشمن آ پین ترند ءُ جلہو کننگ نا قول کیک۔ بلوچ راج ئنا آجوئی اسکان ننا سلاہ بند جلہوک برجاء مرور و کوزہ گیر فوج ئے ہر محاذ آ بے سُہبی و شکست تون مون تِروئی تمو۔
