بلوچستان نا ضلع کیچ ئنا بھلا شار تربت نا علاقہ میری ٹی نادُرست آ سلاہ بند بندغ آتا سُمکاری آن اسہ بندغ ئس بیران مس۔ خلنگ مروکا بندغ نا چائنداری نجیب ولد ماسٹر یعقوب میری نا پن ئٹ مسنے۔
تدینی نا وخت آ ساڑی بندغ آتا رد ئٹ تدینی ہموتم مس ہراتم اسہ کرولا گاڑی ئسیٹی سوار سلاہ بند بندغ آک نجیب آ سُمکاری کریر و نرار۔ خون ئنا سوب داسکان چاننگ متنے۔
ایلو نیمہ غا تمپ ئنا علاقہ کونشقلات ئٹی پاکستانی لشکر اِستو اُراتیا چھاپہ خلِسہ اِرا ورنا ئے زوراکی ئٹ بیگواہ کرے ہرافتا چائنداری حارس ولد حاجی بابو و مومن ولد ماما باہڈ نا پن تیئٹ مسنے۔
خاہوت نا پاننگ ءِ کہ دزگیری آن پد اوفتا بابت ئٹ ہچو حوال ئس تننگ افس کہ او امر ءُ وا ارا حالیت ٹی ءُ۔
