بلوچستان نا ضلع پنجگور نا پنچی علاقہ آن پاکستانی لشکر لُمہ و اونا مسڑ ئے دزگیری آن پد بیدادی نا گواچی کرے۔ حوال تا رد ئٹ ارٹنگا تے نیم مڑدہ حالیت ئٹی اسپتال آ سر کننگا۔
ہندی بندغ آتا رد ئٹ دزگیری نا وخت آ مسڑ تون بد کاری کننگانے۔ دا تدینی بلوچستان ئٹی زالبول آتا برخلاف لٹ ئہ کٹ و زوراکی ئٹ بیگواہی تا اسہ پین بدو مثیل ئسینا حساب ئٹ مونی بسُنے۔
بلوچستان ئٹی دا وڑ ئنا تدینیک کیہی وخت آن رپورٹ مننگ ءُ، ہراڑے اُرا تیا چھاپہ تا وخت زالبول و ورناتے لٹ ئہ کٹ نا گواچی و کیہی بندغ آتے زور ئٹ بیگواہ کننگانے۔
