بی ایل اے نا ترجمان جیئند بلوچ میڈیا ٹی شنگ کروک تینا بیان ئٹی پارے کہ ننا سرمچارک خاران، قلات، نوشکی، نصیر آباد و ڈھاڈر ئٹی شش جتا جلہو تیٹی کوزہ گیر پاکستانی لشکر ئے ٹِک کرسہ بھاز نسخان تسُر۔
ترجمان پارے کہ اینو خاران نا علاقہ لجے ٹی سرمچارک کوزہ گیر پاکستانی لشکر نا لاری تا کاروان آ ہمو وخت جلہو کریر ہراتم او علاقہ ٹی زوراکی کن پیش قدمی کننگ اسُر، ہراٹی چار کارندہ خلنگا و کیہیک ٹپی مسر۔
ترجمان پارے کہ درو قلات نا علاقہ شیخڑی و مورگند نا علاقہ تیٹ سرمچارک کوزہ گیر پاکستانی لشکر نا چوکی تیا جلہو کریر۔ دا کاروائیک ہُرے اسکان برجاء مسُر ہرافیٹ بھلا و خودکار سلاہ تے کارمرز کننگا ہرافتا بھرم ئٹی مُسہ کارندہ خلنگا و کیہیک ٹپی مسر۔
او پارے ہندن قلات نا علاقہ شاہ مردان ئٹی سرمچارک اسہ پین چوکی ئسے ٹِک کریر، ہراٹی اسہ کارندہ ئس ہمو جاگہ غا خلنگا و فوج ئے پین جانی و مالی نسخان ہرفوئی تما۔
ترجمان مُستی پارے کہ استو نوشکی ٹی بس اڈہ نا خُڑک جوڑ مروکا کوزہ گیر فوج ئنا بھلا کیمپ ئنا رکھوک آ چوکی تے سرمچارک نشانہ کریر ہراٹی اسہ کارندہ ئس خلنگا و جاسوسی نا کیمرہ ہم بھُس کننگا۔
ترجمان جیئند بلوچ پارے کہ اینو نصیر آباد نا علاقہ ڈیرہ مراد جمالی ٹی بی ایل اے نا سرمچارک پولیس فورس نا لاری ئسے دستی بمب جلہو ئٹی ٹک کریر ہراٹی مُسہ کارندہ ٹپی مسر۔
ترجمان پارے اسہ پین کاروائی سیٹی استو سرمچارک ڈھاڈر ئٹی کوزہ گیر پاکستانی لشکر نا اسہ پوسٹ ئسیا دستی بمب ئٹ جلہو کریر ہراٹی اِرا کارندہ ٹپی مسر۔
ایسر ئٹ ترجمان پارے کہ بی ایل اے دا کُھل جلہو تا ذمہ واری تے ہرفک۔
