سندھ نیشنل اسٹوڈنٹس فیڈریشن نا سروک غنی امان چانڈیو کراچی آن پاکستانی فوج ئنا دو آن بیگواہ کننگانے۔
حوال تا رد ئٹ غنی امان 28 اکتوبر آ کراچی ٹی میمونہ اسپتال آن ہموتم بیگواہ کننگا ہراتم او تینا خاہوت تون اسپتال ئٹ ساڑی اسک۔
پاننگک کہ پاکستانی ڈھکوک ایجنسی تا کارندہ غاک اسپتال ئٹ پترینگِسہ مخلوق ئے بیم ئنا گواچی کرینو و غنی امان چانڈیو ئے تینتو درینو ہراکان گڈ اونا ہچ ڈس و حوال اف۔
حوال تروکا تا رد ئٹ ڈھکوک ایجنسی تا کارندہ غاک غنی امان ئے بیگواہ کننگ نا وخت آ اونا ایلم سفی امان، اونا ایڑ سندھو امان و ایلو سیال آتا موبائل آتے پُھلانو و غنی امان آ بیدادی کرسا اودے تینتو درینو۔
غنی امان چانڈیو نا زور بیگواہی ئے سندھی و بلوچ بندغی و سیاسی تنظیم آک شیف خلکنو۔
