کیچ ئنا علاقہ مند ئٹ پاکستانی فوج ئنا دو آن زوراکی ئٹ بیگواہ کننگوک ورنا فہد بلوچ، ہارون بلوچ و ہمود بلوچ نا خاہوت آتا برانز اینو مسٹمیو دے ہم برجاء ءِ۔
برانز کروکا خاہوت آتون گپ و تران کن انتظامیہ نا کنڈ آن بندغ بس ولے خاہوت آتا خواست آک پورو کننگ متور ہرا نا سوب آن گپ و تران بے سوب مس۔
خاہوت آتا پاننگ ءِ کہ 23 اکتوبر آ ننا مُسہ ورنا پاکستانی فوج دزگیر کرے و بیگواہ کرے، مُسہ دے آن نن برانز کننگ اُن ولے ننا خواست آتا پوروی کن ہچو گھام ہرفنگ متنے۔
اوفتا پاننگ ءِ کہ ایسکان ننا بندغ آک آجو متنو ننا برانز برجاء مرو۔
او بلوچ الس آن خواست کرینو کہ بریر و اوفتا برانز ئٹ اوار مرسا اوفتا توار جوڑ مریر۔
