بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ ننا سرمچارک 26 اکتوبر آ شام ئنا 8:30 بجہ غا پسنی وارڈ نمبر 1 ئٹی ریاستی مُخ تف سلاہ بند پراکسی نا کارندہ سخی بخش و فضل پٹھان نا ٹھکانہ غا دستی بمب خسار۔
ترجمان پارے کہ یات مرے سخی بخش و فضل پٹھان پسنی ٹی بے ڈوہ آ بندغ آتا برمتہ و خون ئٹی اوار ءُ۔
بیان ئٹی پاننگانے کہ 26 اکتوبر آ شام ئنا 8:40 منٹ نا خُڑک سرمچارک اسہ پین کاروائی ئسیٹی نوشکی ٹی پولیس اسٹیشن آ دستی بمب ئس خسار ہرا تھانہ نا تہٹی تمسہ بھلو تراک ئس کرے ہراڑان دشمن ئے مالی نسخان مس۔
ترجمان ایسر ئٹ پارے کہ بی ایل ایف پسنی ٹی ریاستی سلاہ بند ٹولی و نوشکی ٹی پولیس تھانہ غا جلہو تا زمہ واری ئے ہرفک و دا قول ئے بھیرو کیک کہ کوزہ گیر پاکستانی لشکر ئے کمک تروکا سلاہ بند پراکسی و بلوچ تحریک آزادی نا برخلاف پولیس کارندہ غاتے ٹِک کننگ مرو۔
