بلوچستان نا ضلع کیچ ئنا علاقہ گورکوپ ئٹی پاکستانی فوج ئے بمب جلہو ئٹ ٹک کننگانے اندن ناصرآباد ئٹ ڈیتھ سکواڈ آ سلاہ بند بندغ آک جلہو کرینو۔
حوال تا رد ئٹ گورکوپ نا ہند میانی کلگ ئٹی پاکستانی لشکر نا بمب ڈسپوزل اسکواڈ نا کارندہ تیا ہموتم بمب تراک ئس مس ہراتم او مُستی ہنوکا فوج ئنا مُہہ ئٹ کسر ئے صاف کننگ ئٹی اسُر۔
پن کروک جلہو نا بارو ئٹ کالخواہ تا کنڈ آن ہچو تران مونا بتنے۔
اندن حوال رسینگانے کہ ناصرآباد ئٹ سلاہ بند بندغ آک ریاستی مُخ تف ٹولی ڈیتھ سکواڈ آ جلہو کرینو، جلہو ئٹی ڈیتھ سکواڈ نا اِرا کارندہ نا مرگ ئنا گواچی مننگ نا حوال مونا بسنے۔
تومکا جلہو تا ذمہ واری ئے دائسکان ہچو تنظیم ئس ہرفتنے۔
