بلوچستان نا ضلع آواران نا علاقہ نوندڑہ ٹی پاکستانی لشکر آ و خضدار ئٹ بند جوڑوکا کمپنی نا کاریم جہہ آ سلاہ بند بندغ آک جلہو کرینو۔
حوال تروکا تا رد ئٹ اینو آواران ئٹ پاکستانی فوج آ مروک جلہو ئٹی چھار فوجی کارندہ مرگ ئنا گواچی مسنو و اسٹ ٹپی مسنے۔
ایلو کنڈ آن خضدار ئٹی بند جوڑوکا کمپنی نا کاریم جہہ آ سلاہ بند بندغ آک جلہو کرینو۔
پاننگک کہ سلاہ بند بندغ آک کمپنی نا 18 مزور دزگیر کرسا تینتو درینو و کمپنی نا غُٹ اُلاخ آتے ہم ہُشانو۔
تومکا جلہو تا ذمہ واری ئے داسکان ہچو تنظیم ئس ہرفتنے۔
