مستونگ نا جہی عبد القدوس نا مار عدنان رند ئے اسہ وار پدا پاکستانی لشکر دزگیر کننگ آن پد زوراکی ئٹ بیگواہ کرینے۔
حوال تا رد ئٹ 19 اکتوبر آ اودے اونا موبائل فون نا دکان آن پاکستانی لشکر، ایف سی و سی ٹی ڈی نا کارندہ غاک دزگیر کریر۔ اودے دزگیر کننگ آن گھنٹہ ئس پد دوارہ دکان آ بسر، قُلف ئے پرغسہ تہٹی پترینگار و کل موبائل فون و ایلو سامان تے تینتو اوار دریر۔
دا اولیکو وار اف کہ عدنان رند زوراکی ئٹ بیگواہ کننگانے۔داکان مھالو 6 ستمبر 2024 آ اودے کلی کڑک، ضلع مستونگ آن اونا اراغان ہرفنگاسس۔ ولے 15 ستمبر 2024 آ او راجی مُچی کراس ( نواب ہوٹل ) مستونگ نا خڑک آن آجو مسس۔
