بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئٹ پارے کہ بی ایل ایف نا سرمچار آک 20 اکتوبر نا نیمروچ یک بجہ نا خُڑک مند ئنا علاقہ مہیر و ریدگ نا نیام ئٹی کوزہ گیر پاکستانی نیم فوجی دستہ نا اسہ لاری ئسے آ سنگر ہلِسہ جلہو کریر۔ ہراٹی دشمن لشکر نا پنچ کارندہ ہمو جاگہ غا کھسکر و ارٹ بھاز ٹپی مسر و لاری ئے
بھاز نسخان رسینگا۔
او پارے کہ جلہو آن مچٹ پد دشمن نا ہیلی کاپٹر آک تینا جون و ٹپی آتے ہرفنگ کن جلہو جاگہ آ سر مسر واہم سرمچار آک کاروائی ئے پورو کننگ آن پد تینا رکھوک ٹھکانہ تیا سر مننگ ئٹ سر سوب مسُر۔
ترجمان پارے کہ بلوچستان لبریشن فرنٹ مند ئٹی کوزہ گیر پاکستانی نیم فوجی دستہ آ جلہو ئٹی پنچ کارندہ ئے کھسفنگ و ارٹ ئے ٹپی کننگ نا ذمہ واری ئے ہرفک و عہد کیک کہ بلوچستان نا آجوئی اسکان کوزہ گیر لشکر آ سخت انگا جلہو تا لڑ گیشتر ترندی ئٹ برجاء مرو۔
