بلوچستان لبریشن فرنٹ نا ترجمان میجر گہرام بلوچ میڈیا ٹی شنگ مروکا تینا بیان ئٹی پارے کہ سرمچارک 19 اکتوبر 2:30 بجہ غا کچھی نا ہند حاجی شہر، ڈھاڈر ئٹی پولیس تھانہ ئے گھیرہ کریر۔ ڈیوٹی آ ساڑھ کارندہ تے دزگیر کرسا تھانہ ٹی ساڑی کُھل سرکاری سلاہ و مڈی تے دوئی کننگ آن پد تھانہ ئے ہشار۔
ترجمان پارے کہ سرمچارک ڈھاڈر شہر آن خُڑک علاقہ تے اوار کروکا کسر ئے بند کرسا حاجی آباد ئٹی گشت کریر، پولیس کارندہ تے بندغی و بلوچیت نا بنیات آ یلہ کننگا۔
او پارے کہ بی ایل ایف کچھی نا علاقہ حاجی آباد، ڈھاڈر ئٹی پولیس تھانہ آ جلہو، سرکاری سلاہ تے ضبط کننگ و ناکہ بندی نا ذمہ واری ئے ہرفک۔ نن ڈھاڈر، کچھی و خُڑک ئنا علاقہ تیٹی تولوک آ بہادر انگا بلوچ اُلس آن خواست کینہ کہ او بلوچ سرمچار آتا دو و کوپہ مرِسا دا راجی آ جہد ئٹی اوار مریر۔ دا جنگ بلوچستان نا آجوئی اسکان برجاء مرو۔
