بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئٹ پارینے کہ ننا سرمچار آک 17 اکتوبر نا نن 08 بجہ 30 منٹ آ پنجگور ئٹی نواز ہوٹل نا خڑک سی پیک کسر آ ناکہ بندی کریر، ناکہ بندی نا وخت آ پولیس نا اسہ گشتی ٹیم ئس ہرا سرکاری لاری تا جاگہ غا تینا ذاتی لاری تیٹی گشت کریرہ، ئے سرمچار آک دزگیر کریر۔ سرمچار آک پولیس نا کارندہ غاتے دزگیر کننگ آن پد خبڑدار کرسہ بیدس نسخان تننگ آن یلہ کریر۔
17 اکتوبر نا دے 12:00 بجہ غا بی ایل ایف نا سرمچار آتا اسہ ٹولی ئس ہرافتیٹی اسنائپر ٹیم ہم اوار اسک، پنجگور شار ئٹی اسہ لشکری کارندہ ئسے ٹک کرسہ کھسفیر، ہندن ایلو ٹولی لشکر نا کیمپ آ گرنیٹ لانچر ئٹ کیہی راونڈ فائر کریر ہرافک کیمپ ئنا تہٹی تمار، ہرانا بھرم ٹی دشمن نا کیہی کارندہ غاک ٹپی مسر و کیمپ ئٹی خلوک کیمرہ غاک بھس مسُر۔
17 اکتوبر نا نن 8 بجہ و 40 منٹ آ بی ایل ایف نا سرمچار آک پنجگور شار نا پنچی پولیس تھانہ آ جلہو کرسہ کارندہ غاتے دزگیر کریر۔ پولیس کارندہ غاک تینا سرکاری سلاہ تے رکھوک او ہند ئسے آ ڈھکاسر ولہ سرمچار آک تنظیم نا ڈھکوک ونگ ئنا حوال تننگ آ مسہ کلاشنکوف و اسہ پستول ئس دوئی کریر۔ آپریشن پورو مننگ آن پد پولیس کارندہ غاتے بندغی بنیات آ آجو کننگا۔
اسہ پین کاروائی ئسیٹی 17 نا نن 8:00 بجہ نا خڑک بی ایل ایف نا سرمچار آک زیرینہ کٹھان خضدار ئٹی برجاء پاکستانی لشکر نا مرکزی کیمپ آ چغلی بمب ئٹ جلہو کریر ۔ چغلی بمب لشکر نا مورچہ نا تہٹی تما ہرانا سوب اسہ کارندہ ئس ہمو جاگہ غا بیران مسک و ارٹ ٹپی مسر۔ و سرمچار آک کاروائی آن پد رکھوک وڑ ئٹ تینا جاگہ غاتیا سر مسر۔
17 اکتوبر آ دے ئنا 01:00 بجہ نا وخت بی ایل ایف نا سرمچار آک مستونگ نا علاقہ کھڈکوچہ نا ہند ٹل آ مڈی دروک اِرا ٹرک ئے ٹک کرسہ نسخان تسر، ہندن ڈرائیور آتے بندغی بنیات آ یلہ کننگا۔
بی ایل ایف پنجگور و خضدار ئٹی کوزہ گیر پاکستانی لشکر نا ارا کارندہ ئے کھسفنگ و مَنَٹ ئے ٹپی کننگ، پولیس نا سلاہ تے ضبط کننگ و مستونگ ئٹی مڈی دروک لاری تیا جلہو نا ذمہ واری ئے ہرفِک۔
