بلوچستان نا ضلع پنجگور آن حوال رسینگانے کہ پاکستانی لشکر جتا ہند آتیا چھاپہ خلِسہ ہشت بندغ ئے زوراکی ئٹ بیگواہ کرینے۔
ہندی بندغ آتا رد ئٹ دا کاروائیک پنجگور نا علاقہ بوستان چونگی سر و عیسیٰ نا علاقہ ٹی کننگانو۔
خنوک آتا پاننگ ءِ کہ بوستان چونگی سر ئٹی استو ننکان لشکر چھاپہ خلِسہ ظہیر ، حاصل، احسان ، سراج، سعید اللہ تون اوار پین بندغ ئسے بیگواہ کرینے ہرانا پجار متنے۔
ایلو نیمہ غا پنجگور نا علاقہ عیسیٰ ٹی ہم پاکستانی لشکر اِرا بندغ ئے دزگیر کننگ آن گُڈ بیگواہ کرینے، ہرافتا چائنداری ساکم ولد علی سورگ عیسی نا ہندی و جہان ذیب ولد علی جان عیسی سند سر نا ہندی، نا پن تیئٹ مسُنے۔
بیگواہ کننگوک بندغ آتا خاہوت آتا پاننگ ءِ کہ ننا بندغ آتے بیگواہ کننگ آن پد سرکار اوفتا بارو ئٹ ہچو معلومداری ئس تِتَنے۔
