مستونگ و خاران ئٹی لشکر و پولیس آ جلہو تیٹی جانی و مالی نسخان تا حوال ارے، و مڈی دروکا لاری تے ٹِک کننگانے۔
ضلع مستونگ نا ہند کھڈکوچہ ٹی اینو نیمروچ آ ٹُل ئنا ہند آ مڈی دروکا اِرا ٹرک آ نادرُست سلاہ بند بندغ آک سُمکاری کریر، ہراڑان لاری تے نسخان مس۔ تدینی آن پد ایف سی نا بھلو کچ ئس اِرا بکتربند لاری تیتون جلہو جاگہ آ سر مس و علاقہ ئے پلویڑ کریر۔
ہندُن اینو مستونگ نا ہند دشت ئٹی ہم سلاہ بند بندغ آک پاکستانی لشکر نا پند آ ہنوکا کارندہ تے جلہو ئٹی ٹِک کریر، ہراڑان اوفتے جانی نسخان ہرفوئی تمانے۔
ایلو نیمہ غا خاران شہر ئٹی نادُرست سلاہ بند بندغ آک سُمکاری کرِسا ایس ایچ او محمد قاسم ئے خلکُر۔
