کیچ:بلوچستان نا ضلع کیچ ئنا علاقہ گوگدان ئٹی پاکستانی لشکر نا بھلو کچ ئس اُرا ئسے آ چھاپہ خلِسہ مُسہ ورنا ئے دزگیر کننگ آن گُڈ بیگواہ کرینے ـ شابیتی حوال آتا رد ئٹ چھاپہ محمد عمر دشتی نا اُرا غا مسُنے ہراڑے اونا نواسہ یحی ولد وحید احمد و اسہ مہمان ئس شیرجان ولد محمد انور ئے لشکر دزگیر کرسا بیگواہ کرے ـ داڑان بیدس اسہ پین ناکہ بندی ئسینا وخت آ خُڑک ئنا اُرا سے آن واپس بروکا بلال عزیز ولد حاجی عبدالعزیز ئے ہم دزگیر کرینو ـ دزگیر مروکا ورنا تا خاہوت آتے اوفتا بارو ئٹ ہچو ڈس ئس تننگتنے۔
