افغانستان ئٹی طالبان حکومت نا ترجمان ذبیح اللہ مجاہد دعویٰ کرینے کہ پاکستان نا افغانستان آ جلہو نا جواب ئٹی کننگوکا کاروائی تیٹ پاکستان نا 58 لشکری کارندہ خلنگا و 30 آن زیات آن ٹپی ءُ۔یک شمبے آ کابل ئٹی پریس کانفرنس کرسا پارے کہ ذبیح اللہ مجاہد پارے کہ جوابی کاروائی نا وخت پاکستان نا 20 چیک پوسٹ آتیا کوزہ کریسُن ولے جنگ ئنا ایسر مننگ آ اوفتے واپس کرین۔پاکستانی فوج ئنا نیمہ غان ذبیح اللہ نا دعویٰ آ ہچو رد عمل ئس مونی بتنے۔ واہم وزیر داخلہ محسن نقوی استو پاریسس کہ افغانستان نا نیمہ غان کننگوکا کاروائی تا جوانو جواب ئس تسونُن۔ذبیح اللہ مجاہد جنگ ئنا وخت نُہہ طالبان کارندہ تا خلنگ مننگ و 18 نا ٹپی مننگ نا حوال ئے پک کرے۔ترجمان پارے کہ داعش نا سربراہ پاکستان ئٹی ءِ و دا تنظیم داسہ سرحد و بلوچستان ئٹی کاریم کننگ ءِ۔او پارے کہ افغانستان آن داعش ایسر کننگانے ولے پاکستان ئٹی اوفتا تربیتی کیمپ آک اڈ تننگانو۔ جہانی مخلوق دانا نوٹس ہلے۔ ذبیح اللہ مجاہد پارے کہ افغانستان ئٹی مروکا جلہو ئٹی داعش ہم اوار ءِ و اونا کارندہ آک پاکستان آن بسُنو۔ذبیح اللہ مجاہد نا پاننگ اسک کہ افغان وزیر خارجہ نا انڈیا نا دورہ ہچو ملک ئسینا برخلاف افک، ہچ ڈیہہ ئسے داڑا خلیس مف۔
