بلوچ لبریشن آرمی نا ترجمان جیئند بلوچ تینا شنگ کروک بیان ئٹی پارینے کہ زہری نا ہند انجیرہ و گزان ئٹی بی ایل اے نا سرمچارک مُستی گھام خلوک کوزہ گیر لشکر ئے ترندو جلہو ئسیٹی ٹک کرینو۔ درو انجیرہ زہری ٹی پاکستانی لشکر نا دہ گاڑی نا قافلہ ئے سرمچارک سنگر ہلِسہ ٹک کریر، ہراڑے چھار گاڑی جلہو نا دک ئٹ بس و اِرا گاڑی تیوہ غا تباہ مسُر۔ دا جلہو تیٹی دشمن لشکر نا 15 کارندہ مرگ ئنا گواچی مسُر۔
ترجمان جیئند بلوچ ودیک پارے کہ زہری 11 اگست آن سرمچار تا کنٹرول ئٹی ءِ و دائسکان 47 دے ئٹی وار وار مونا بروکا دشمن ئے بے سوب کرِسہ پدی ہڑسینگ آ بیوس کننگانے۔ اینو ارٹمی دے ہم گزان، انجیرہ و ہیب ئہ کھیب ئٹی جنگ برجاء ءِ۔
او پارے کہ دا ردئٹ شابیتی بیان ئس شنگ کننگ مرو۔
