بلوچستان نا ضلع کیچ ئنا تحصیل بلیدہ ٹی اسہ ورنا ئسے نا جون خننگانے ہرادے پاکستانی لشکر دے ئس مُست دزگیر کریسس۔
حوال تروک نا رِد ئٹ درے نن پاکستانی لشکر و سرکاری مُخ تفی ٹی کاریم کروک ڈیتھ سکواڈ نا کارندہ غاک عبدین نا مار یوسف ئے کڈکی کوہ آن ڈیوٹی نا وخت آ دزگیر کریسُر ہرا نا درو جون خننگانے۔
خیال ئٹ مرے پاکستانی لشکر نا دو آن ورنا تا دزگیری و دزگیر ئٹ بیدادی کرسا اوفتے کھسفنگ و جون تے بٹنگ نا لڑ بلیدہ آن بیدس تیبہ بلوچستان ئٹ اسہ وڑ برجاء ءِ۔
