بلوچستان لبریشن فرنٹ نا ترجمان میجر گہرام بلوچ پارے کہ سرمچارک 25 ستمبر، پنچ شمبے نا دے ویگہ نا یک بجہ غا خاران شار ئنا نیامٹ ساڑی کوزی گیر پاکستانی لشکر نا بنجائی کیمپ آ پوسکنا و بھلا سلاہ تیٹ جلہو کریر۔ جلہو ئٹی کوزہ گیر فوج ئے جانی نسخان رسینگ تون اوار کیمپ ئنا تہٹی ساڑی عسکری مڈی و آسراتی تے نسخان رسینگا۔
ترجمان پارے کہ بلوچستان لبریشن فرنٹ بلوچستان نا دیہات، مَش، شار و کسر تیا ہم کوزہ گیر پاکستانی لشکر ئے ٹک کننگ نا حکمت عملی آ کاریم کننگ ءِ ہرا نا سوب آن کوزہ گیر لشکر نہ بیرہ جانی نسخان ارفنگ ءِ بلکہ نفسیاتی و ذہنی بےسوبی نا گواچی ءِ۔ اوفتا دا ذہنی بےسوبی، بیم و فریشانی ئے مُر کننگ کن ریاست السی آبادی تے زوراکی و بیدادی تا گواچی کننگ ءِ۔
میجر گہرام ایسر ئٹ پارے کہ خاران ئٹی کوزہ گیر پاکستانی لشکر نا بنجائی کیمپ آ جلہو نا زمہ واری ئے ارفنہ و دا عزم ئے بھیرو ایتنہ کہ آزاد بلوچستان اسکان کوزہ گیر لشکر ئے ٹک کرون۔
