مستونگ: درو پاکستانی لشکر نا دو آن شہید مروک چیئرمین زبیر بلوچ ئے اونا باوہ پیرئی علاقہ مستونگ ئٹ گُڈی ہند کننگا۔
نمازِ جنازہ ٹی جتا سیاسی و چاگڑدی جماعت آتا سروک، ادیب، دانشور، سول سوسائٹی نا نمائندہ غاک و ہزار آ بندغ آک اوار مسُر۔
خیال ئٹ مرے کہ زبیر بلوچ نثار بلوچ تون اوار درو دالبندین ئٹ ہموتم شہید کننگا ہراتم پاکستانی لشکر اسہ اُرا ئسے آ چھاپہ خلک و سُمکاری کرے۔
شہید چیئرمین زبیر بلوچ پیشہ ئٹ اسہ وکیل ئس اسک و بی ایس او پجار نا مسکوئی چئیرمین اسک۔ جنازہ ئٹ اوار مروکا بندغ آک پاریر کہ اونا جہد گیرام کننگ مفرو و ساندہ یات کننگو۔
