بلوچستان نا ضلع آواران و کیچ ئٹ پاکستانی لشکر ئے جتا جلہو تیٹ ٹک کننگانے۔
حوال تا رد ئٹ آواران ئٹ پاکستانی لشکر نا پندھ آ ہنوکا کارندہ غاتے آئی ای ڈی بمب ئسیٹ ٹک کننگانے۔ جلہو اینو سہب ئنا 8:00 بجہ غا آواران نا ہند مالار و بزداد نا نیام ئٹی مسنے و جلہو ئٹ فوجی کارندہ غاتے جانی نسخان مننگ نا حوال ہم ارے۔
ایلو کنڈ آن کیچ ئنا علاقہ گورکوپ و زامران ئٹ اِرا جتاؤ آئی ای ڈی جلہو ئٹ پاکستانی لشکر ئے ٹک کننگانے۔
حوال تروک نا رد ئٹ گورکوپ و زامران ئٹ پاکستانی فوج ئنا گاڑی تے جلہو تیٹ ٹک کننگانے، و جلہو تیٹ فوج ئے جانی نسخان مننگ نا حوال ہم ارے۔
جلہو تا رد ئٹ کوالخواک شابیت حوال مونا ہتنو نئے کہ سلاہ بند تنظیم ئس دا جلہو تا ذمہ واری ئے ہرفینے۔
