خضدار نا علاقہ باغبانہ حسن زئی باجوئی آن ننکان عائشہ بی بی پنیئو 12 سالیئو مسڑ ئسے برمتہ کننگانے۔
برمتہ کننگوک مسڑ نا وارث آتا پاننگ ءِ کہ اودے علاقہ نا بااثر قبائلی بندغ آک برمتہ کرینو۔ تدینی نا برخلاف برمتہ کننگوک چُنک سن مسڑ نا خاہوت کسر ئے بند کرینے۔
حوال تا رد ئٹ برانزیک چککو چیک پوسٹ باجوئی کراس نا جہہ آ کسر ئے بند کرینو و پارینو کہ عائشہ بی بی نا آجوئی اسکان کسر بند مرو۔
برانزیک خبڑدار کرینو کہ اگہ کوالخواک دمدستی گھام ہرفتور تو بنجائی دگ بے چاننگوک وخت اسکان بند مرو۔
