مستونگ ئٹی پاکستانی لشکر نا کارندہ غاتے بمب تراک ئٹی ٹک کننگانے۔ اندن قلات ئٹ پاکستانی لشکر نا گشتی کارندہ تیا سلاہ بند بندغ آک جلہو کرینو۔
حوال تا رد ئٹ پاکستانی لشکر آ تراک مستونگ نا علاقہ دشت ئٹی مسنے، ہراتم او کلئیرینس ئٹ آختہ مسنو۔
تراک ئٹ پاکستانی لشکر ئے جانی نسخان مننگ نا حوال ہم ارے۔
ایلو کنڈ آن قلات آن رسینگوک حوال تا رد ئٹ پاکستانی لشکر آ سلاہ بند بندغاک بھلا سلاہ تیٹ جلہو کرینو، جلہو ئٹی مسہ کارندہ کھسکنے۔
جلہو اینو نہہ بجہ نا وخت آ پاکستانی لشکر نا گشت کروکا کارندہ غا تیا مسنے، و دا جلہو ئٹ مسہ کارندہ نا کہنگ نا حوال ہم ارے۔
تومکا جلہو تا ذمہ واری ئے دائسکان ہچو تنظیم ئس ہرفنتے۔
