قلات: معدنیات دروکا لاری آ سلاہ بند بندغ آک جلہو کریر،ڈرائیور و کلینڈر بچار۔
حوال آتا رد ئٹ بلوچستان نا ضلع قلات ئٹی کوئٹہ کراچی نا بھلا کسر گرانی نا ٹک آ نادُرست سلاہ بند بندغ آک کسر آ ہڑاند تخیسہ قیمتی ءُ خل دروکو اسہ ٹرک ئسے جلہو ئٹی نشانہ کریر و ٹرک ئنا ٹائر آتے بھُس کریر۔
پولیس نا رد ئٹ تدینی ٹی ٹرک ڈرائیور و کلینڈر بچار۔ لاری نا ٹائر آتا بھُس مننگ نا سوب آن لاری ناکارہ مس۔جلہو جاگہ سیکیورٹی نا بھلو کچ ئس ساڈیءِ۔
یاتی مرے کہ قلات و ایب کیب ئٹ داکان مُست معدنیات دروکا ٹرک آتا جلہو کننگانے ہرافتیٹی جلہوکار آک دا ٹرک آتا ڈرائیور تے بیدس نسخان تننگ آن یلا کرینو۔
یاتی مرے کہ معدنیات دروکا لاری و کمپنی تہ جلہو تہ ذمہ واری تے بلوچ آجوئی خواہوک تنظیم آک ہرفسا بسنو۔
