اسلام آباد ئٹ بلوچ خاہوت آتا پرامن برانز ئے اینو 69 دے مس، واہم اوفتا خواست آتا بِننگ و ایسری کن حکومت نا کنڈ آن ہچو گھام ہرفنگ متنے۔
برانز کروکا خاہوت آتون پیرو زالبول و چُنا ہم اوار ءُ، ہرا تدوکا اِرا تُو آن مُد ئنا سختی و ریاستی ہڑاند آتون مون تننگ ءُ۔ واہم ریاستی کوالخواہ تا پارہ غان اوفتا خواست آتے بِننگ متنے۔
خاہوت آتا پاننگ ءِ کہ او تینا خواست آتا ایسری اسکان تینا برانز ئے برجاء تخور۔
برانز کروکا تا خواست آتیٹ بلوچ یکجہتی کمیٹی (BYC) نا سروک آتا دمدستی آجوئی و بلوچستان ئٹ زوراکی نا بیگواہی تا ایسری نا خواست آک اوار ءُ۔
