بلوچستان نا بنجاہی شار شال ئٹی بلوچ آجوئی دوست سلاہ بند سرمچارک کسر تے تفینو و پولیس کارندہ غاتا سلاہ و ایلو گڑا تے دوئی کرینو۔
اِستو نن ئنا 9 بجہ غا شال ئنا شار ئٹی شیخ زاہد اسپتال نا خڑک بنجاہی کسر آ بلوچ آجوئی دوست سرمچارک کسر ئے تفینو۔ ہمو وخت آ پولیس کارندہ غاتے دزگیر کرِسہ اوفتا سلاہ و ایلو گڑا تے ہم دوئی کرینو۔
دا وخت آ اوڑے ساڑی آ بندغ آتا ردئٹ سلاہ بند سرمچارک 30 منٹ اسکان کسر آ ساڑی مسونو و اسنیپ چیکنگ کرینو اوکان گڈ پولیس نا کارندہ غاتے یلہ کرینو۔
