بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارینے کہ خاران شار ئٹی کوزہ گیر پاکستانی لشکر نا نیمہ غان نگرانی و جاسوسی کن خلنگوک کیمرہ تا برخلاف بلوچستان لبریشن فرنٹ نا سرمچارک 15 جون نا نن 7 بجہ نا خڑک اسہ سرسوب او کاروائی ئس کریر۔ دا کاروائی ٹی سرمچارک شاہوانی چوک، سبزی منڈی، قلعہ چوک و شاپنگ بازار تون اوار جتاء جہہ تیا خلنگوک کیمرہ تے گھانڈ کرسہ ضبط کریر۔
جارکش پین پارے کہ کوزہ گیر پاکستانی لشکر نا نیمہ غان ڈھکوک کیمرہ تا زریعت ئٹ نگرانی نا دا نظام نا مسخت بلوچ الس نا ہن و بر، اوفتا ذاتی و اشتماعی کاریم تیا نظر تخنگ ءِ۔ بلوچستان لبریشن فرنٹ پہہ مریک کہ ڈھکوک کیمرہ تا زریعت ئٹ نگرانی نا دہن انگا انتظام بلوچ راج آ مسلط کروک پاکستانی نو آبادیاتی حکمرانی و جبر ءِ برجاء تخنگ و آجوئی نا جنز نا برخلاف جنگ ئٹی کوزہ گیر لشکر نا اسہ سوگو او وسیلہ ئسے۔
جارکش ایسر ئٹ پارے کہ بی ایل ایف خاران شار ئٹ جتاء جہہ تیا خلنگوک کوزہ گیر لشکر نا ڈھکوک کیمرہ تے گھانڈ کرسہ ضبط کننگ نا زمہ واری ئے ہرفک۔ و بلوچستان نا آجوئی اسکان بلوچ راج نا برخلاف کوزہ گیر لشکر نا ہر وڑ ئنا زوراکی و نگرانی نا برخلاف تینا جہد ء برجاء تخنگ نا عزم کیک۔
