بلوچ نیشنل موومنٹ نا بندغی حق آتا ادارہ پانک عبدالواح صوالی ئے زوراکی ئٹ بیگواہ کننگ و پدان اونا جشوک جون ئے خسنگ نا تدینی ئے شیف خلکُنے۔
پانک چاگڑدی حوالکاری میڈیا غا دا رد ئٹ چُنکو بیان ئس شنگ کرسا پارینے کہ دزگیری نا وخت آ عبدالواحد ئے بھاز بیدادی نا گواچی کننگانے، زندہ انگا حالیت ئٹی لٹ ئہ کٹ کرسہ اونا دو و نت تے گُڈنگانے و پدا اودے کھسفسہ ضلع کیچ ئنا علاقہ “بانک ئے چڑائی” نا خڑک اونا جون ئے خسنگانے۔
پانک پارینے کہ عبدالواحد ئے 2 جون آ تربت سول اسپتال آن پاکستانی لشکر نا ولفوک ڈیتھ سکواڈ و ملٹری ایجنسی (ایم آئی) زوراکی ئٹ بیگواہ کریسس۔ واحد دبئی ٹی مزوری کریکہ و اندا زوت ئٹ تینا علاقہ غا بسس۔
پانک دا گندہ غا عمل ئے بندغی نا برخلاف و سگ آن پیشن پارِسہ جہانی بندغی حق آتا تنظیم آتیان زوت نوٹس ہلنگ و پاکستان نا برخلاف گام ہرفنگ نا خواست کرینے۔
پانک ئنا پاننگ ءِ کہ بلوچ ورنا تے چونڈِسہ ٹک کننگ مننگ ئٹی ءِ، و دا بیدادیک ریاستی تیبر آ برجاء نسل کشی نا بشخ ءُ۔
