بلوچستان نا ضلع خضدار نا علاقہ نال سی پیک روڈ آ جوڑ مروک صمند چیک پوسٹ نا خڑک نادرست آ سلاہ بند بندغ آک موبائل ٹاور آ سمکاری کریر، ہرانا سوب آن ٹاور نا چوکیدار، محمد بخش نا مار محمد اسلم ہمو جاگہ غا کھسک۔
ساڑی آ بندغ آتا ردئٹ سمکاری کروک آک تہار ئٹ پیش تمار۔ تدینی آن گڈ خاہوت جون ئے روڈ ئنا زی آ تخا و برانز کرسا سمکاری کروکا تا دزگیری نا خواست ئے کرے۔
کم و زیات اسہ ساہت ئسے نا گپ و تران آن پد خاہوت و کوالخواہ تا نیام ئٹ ہیت و ترانک سرسوب مسُر، ہراڑان پد برانز ئے ایسر کرِسا خاہوت روڈ ئے ملا و جون ئے قبرستان آ گُڈی ہند کننگ کن درے۔
