بلوچستان نا ضلع کیچ ئنا بنجائی شار تربت آن پاکستانی ایجنسی تا کارندہ غاک اسہ بندغ ئس بیدادی کرسا زور ئٹ گاڑی ئسے ٹی شاغانو و تینتو درینو۔
حوال تا رد ئٹ درو تربت سول اسپتال نا خُڑک آن، ناصر آباد نا جہی صوالی نا مار واحد ئے پاکستانی ایجنسی تا کارندہ غاک بھاز بیدادی نا گواچی کرسا زور ئٹ گاڑی ئسے ٹی شاغانو و تینتو درینو ہراکان گڈ اونا ہچ ڈس اف۔
خاہوت نا پاننگ ءِ کہ واحد دبئی ٹی روزگار کریکہ و اندا زوت ئٹ چھٹی آ علاقہ غا بسس ہرادے زوراکی ئٹ بیگواہ کننگانے۔ خاہوت اونا زوت آجوئی نا خواست کرینے۔
