بلوچستان نا ضلع واشک نا تحصیل ماشکیل آن ڈاکٹر حاجی محمد انیس ئے نادُرست سلاہ بند بندغ آک تُوفک نا زور آ برمتہ کرسا تینتون دریر ۔
حوال آ تا رد ئٹ بلوچستان نا تحصیل ماشکیل آن ڈاکٹر حاجی محمد انیس پنی ءُ بندغ ئسے نا دُرست سلاہ بند بندغ آک اونا میڈیکل آن اینو سُہن ئنا یازدہ بجہ نا خُڑک آ توفک نا زور آ برمتہ کرسا تینتون دریر۔
حوال آتا رد ئٹ ڈاکٹر انیس ئے ماشکیل ئٹی سرگرم نصروئی گروپ نا بندغ آک برمتہ کرسا تینتون درینو ۔
اغواہ کننگ آن پدا ڈاکٹر حاجی محمد انیس نا ہچو حوال ئس اف۔
ہندی بندغ آتا رد ئٹ برمتہ کروک آک بننگ آ تینا مون سُمکاری کننگے بنا ءِ کریر ہراکان پد اوفک ڈاکٹر انیس ئے تینتون دریر ۔
یاتی مرے کہ ڈاکٹر محمد انیس ماشکیل ئٹی صحت نا رد ئت تینا کاریم تے کننگ اسک ہرا اینو سُہب ئنا بیگواہ کننگا۔
