بلوچستان نا ضلع کیچ ئنا علاقہ پیدارک ئٹ پاکستانی لشکر چُنک سن ورنا ئسے تون اوار مُسہ بندغ دزگیر کننگ آن گُڈ بیگواہ کرینے۔
بیگواہ کننگوک بندغ آک محمد انور نا مار مولانا سکندر، سبزل نا مار صدیق و محمد یعقوب نا مار ابراہیم نا پن تیٹ درست مسنو۔
پاننگک کہ مولانا سکندر ئے درو ننکان دو بجہ غا، صدیق و ابراہیم ئے سہب ئنا شش بجہ غا اوفتا اُراغان دزگیر کننگ آن گڈ بیگواہ کننگانے۔
ہر مُسہ بیگواہ کننگوک بندغ آک پیدارک نا جہی و اسہ خاہوت نا بندغ ءُ۔
خاہوت اوفتا بیگواہی نا حوال ئے پک کرسا اوفتا زوت آجوئی نا خواست کرینے۔
