بلوچستان نا علاقہ سبی ٹی درو پاکستانی لشکر ہندی بندغ آتا جلہو کرسا اوفتا جائداد آتیا کوزہ کننگ نا کوشست کرے، السی سلاہ بند مزاحمت آن پد جنگ بناء مس، ہرافتیٹ پاکستانی لشکر نا مُسہ کارندہ ٹپی مسُر و اسہ گاڑی ئس بُن ہلک۔
حوال تا رد ئٹ سبی نا ہند لہڑی ٹی گوڑی نا جہہ آ پاکستانی لشکر سپاہی ولد ہزار خان نا جائیداد، ہرافتیٹ اسہ روسی ٹریکٹر ئس ہم تُد اسک، کوزہ نا کوشست کرے۔ مزاحمت بناء مس و شام ئنا ہرے اسکان جنگ برجاء سلیس۔ دا جنگ ئٹ مُسہ کارندہ ٹپی مسُر و فوج ئے پدی ہننگ کن بیوس کننگا۔
ہندی سروک آتا نیام تمنگ آ پاکستانی لشکر ئے مشروط واپسی نا موکل تننگا ہرانا رد ئٹ اوفک گاڑی تِہ یلہ کرسا پیادہ پیشتمار و اوفتا گاڑی تِہ ہندی بندغ آک اوفتِہ سر کریر۔
ضلعی کالخواک دائسکان دا رد ئٹ ہچو بیان شنگ کتنو۔
یات مرے کہ قلات و ہند شیخڑی و مورگند ئٹی ہم پاکستانی لشکر اُرا، ٹیوب ویل و سولر پلیٹ آتے تباہ کرسا ہندی بندغ آتے علاقہ ئے النگ نا تڑی تسس و جنگل آتے ہم نسخان تسس۔
