پاکستانی لشکر بلوچستان نا اِرا جتاؤ علاقہ ٹی آپریشن نا وخت آ ہفت سرمچار خلنگ نا پڑو کرینے۔
پاکستانی لشکر نا لس حوالکاری شعبہ "آئی ایس پی آر” پارے پاکستانی لشکر بلوچستان نا ضلع کچھی نا علاقہ مچھ ئٹی بلوچ سلاہ بند تنظیم آتا 5 سرمچار خلکنے، ہندن اسہ پین آپریشن ئسے ٹی ضلع قلات نا علاقہ مورگند ئٹی بلوچ سلاہ بند تنظیم ئسے نا 2 سرمچار خلکنے۔
آئی ایس پی آر نا کنڈ آن پاننگانے کہ خلنگ مروک بندغ آتیان بھلو کچ ئسے ٹی سلاہ و گولہ بارود دوئی کننگانے۔
خلنگ مروک بندغ آتا دائسکان چائنداری متنے، ولے خلیس ہندادے کہ دا ہمو بندغ آک مرور ہرا پاکستانی لشکر نا دو آن زوراکی نا بیگواہی تا گواچی مسنو۔
بلوچستان ئٹی کیہی ہندنو تدینی مونا بسنے ہراڑے دروغ ئنا مون تس تیٹ پاکستانی لشکر زوراکی ئٹ بیگواہ کننگوک بندغ آتے خلکنے۔
